Ermal Beqiri: Pozitiviteti është mënyrë jetese për të gjetur mundësi edhe në sfida

Në një botë profesionale ku sfidat janë të përditshme dhe ngarkesa shpesh e zbeh qëllimin, në Soft & Solution kemi zgjedhur një qasje tjetër: ta shohim pozitivitetin jo si zgjedhje të momentit, por si kulturë të përhershme.

Pas kthimit nga retreat-i ynë i fundit në Palma de Mallorca, Ermal Beqiri, themelues i Soft & Solution, ndau këtë reflektim:

“Pozitiviteti nuk është thjesht një zgjedhje, por është mënyra se si i qasemi sfidave, si ndërtojmë bashkëpunime dhe si frymëzojmë njëri-tjetrin për të shkuar më tej. Këtë e pamë qartë gjatë këtij retreati, ku e paprekshmja u kthye në ndjenjë konkrete.”

Në një realitet ku ritmi është i lartë dhe presioni për rezultate të menjëhershme është i vazhdueshëm, është e lehtë të harrosh rëndësinë e frymës me të cilën ecën një ekip. Ne kemi zgjedhur të krijojmë një ambient ku optimizmi nuk është iluzion, por shtyllë e zhvillimit të qëndrueshëm.

Ky retreat nuk ishte thjesht një ndalesë për të marrë frymë, por një rikujtim i fuqishëm se ndryshimi nis nga mënyra si zgjedhim të mendojmë.

Kur vendos të fokusohesh te zgjidhjet dhe jo te problemet, ti bëhesh burim motivimi për veten dhe për të tjerët.