Kur flasim për inovacion, nuk mjafton vetëm të kesh ide. Duhet hapësirë dhe bashkëpunim. Pikërisht këtë solli Design Thinking Bootcamp, i organizuar nga Albanian Council for Technology and Innovation (ACTI), ku Soft & Solution ishte pjesë aktive.
Dy ditë plot energji, kreativitet dhe bashkëpunim, kthyen këtë Bootcamp në një laborator idesh. Ekipi ynë u zhyt në metodologjinë Design Thinking, duke testuar mënyra të reja të të menduarit dhe duke sjellë perspektiva që shkojnë përtej kornizave tradicionale.
Nga punët praktike, deri te diskutimet intensive në grupe, çdo moment ishte një mundësi për të sfiduar mendimin e zakonshëm dhe për të ndërtuar ide që mund të kthehen në projekte reale. Për ne, ky Bootcamp ishte një hap përpara drejt një ekosistemi më të fortë digjital në Shqipëri.
Duke reflektuar mbi përvojën, Ermal Beqiri, themelues i Soft & Solution dhe kryetar i parë i Këshillit Drejtues të ACTI-t, u shpreh se “Ky Bootcamp tregoi fuqinë e bashkëpunimit. Kur kompanitë, institucionet dhe profesionistët ndajnë ide dhe energji, krijohen baza të forta për të ndërtuar të ardhmen e teknologjisë shqiptare.”
Ky ishte vetëm fillimi. ACTI Design Thinking Bootcamp na kujtoi se inovacioni lind me bashkëpunim. Dhe për Soft & Solution, ky është vetëm një kapitull i parë në rrugën drejt projekteve edhe më të mëdha që do të pasojnë.
