Ekipi i Soft & Solution zgjodhi të përjetonte një eksperiencë unike pune: për një javë, një kështjellë franceze u kthye në zyrën tonë të përkohshme.
Nuk ishte thjesht ndryshim vendndodhjeje. Ishte një mundësi për të parë punën nga një perspektivë ndryshe, për të kombinuar kreativitetin me frymëzimin që sjell historia dhe arkitektura madhështore. Në sallat e kështjellës, projektet tona morën një dimension të ri, ku bashkëpunimi dhe inovacioni u ndjenë më të forta se kurrë.
Puna në ambientet historike të kështjellës solli një frymë të veçantë, duke e bërë teknologjinë të lidhej natyrshëm me trashëgiminë e shekujve. Eksplorimi i Parisit dhe Versajës i dha ekipit energji të reja, duke e kthyer artin, kulturën dhe historinë në burime të reja frymëzimi. Përtej punës, kishte edhe aktivitete të tjera që forcuan frymën e grupit. Nga prerja e druve e deri tek kujdesi për hapësirat e kështjellës, duke treguar se bashkëpunimi nuk ndodh vetëm brenda zyrës. Mbrëmjet përfundonin pranë oxhakut, mes bisedash të ngrohta, idesh të reja dhe të qeshurash që e afronin ekipin edhe më shumë.
Ky udhëtim ishte një kujtesë se frymëzimi lind shpeshherë kur guxojmë të ndryshojmë mënyrën si punojmë. Një mjedis i ri sjell energji të reja, forcon marrëdhëniet dhe hap hapësira për ide që lindin natyrshëm nga bashkëpunimi.
“Eksperienca të tilla tregojnë se puna nuk lidhet gjithmonë me vendin ku ndodh, por me frymën që e udhëheq. Kur i japim ekipit hapësirë të frymëzohet, bashkëpunimi dhe krijimtaria vijnë vetë,” shprehet Ermal Beqiri, themelues i Soft & Solution.
