Cyber Security Day – Bashkimi i liderëve të industrisë për një të ardhme digjitale më të sigurt
Data: 6 Shkurt 2025
Cyber Security Day, i fuqizuar nga Microsoft dhe Soft & Solution, solli një ditë të mbushur me ekspertizë, diskutime dhe zgjidhje konkrete për sigurinë kibernetike. Si partner zyrtar i Microsoft, Soft & Solution mbetet e angazhuar për të ofruar strategjitë më të avancuara të mbrojtjes dhe për të forcuar bashkëpunimin mes sektorit publik dhe atij privat.
Çfarë mësuam nga Cyber Security Day:
- AKSHI prezantoi praktikat më të mira për ndërtimin e një mbrojtjeje të fortë kibernetike, nga Mirlinda Karçanaj, Drejtore e Përgjithshme e institucionit.
- AKSIK solli në fokus gjendjen e sigurisë kibernetike në infrastrukturën kritike të Shqipërisë, me kontributin e Igli Tafa, Drejtor i Përgjithshëm i AKSIK.
- Microsoft prezantoi strategji të avancuara, zgjidhje moderne të sigurisë dhe programin ATLAS, me ekspertë të tillë si Özben Miçooğulları, Lovre Gabrilo, Dr. Eng. Robert Kosla dhe Pınar Sarmısak Çatalkaya.
- Soft & Solution, si partner i Microsoft, tregoi mënyrën se si këto strategji po përshtaten dhe zbatohen për bizneset dhe institucionet shqiptare.
Paneli i diskutimit: Forcimi i sigurisë së infrastrukturës kritike në Shqipëri
Një nga pikat më të rëndësishme të eventit ishte paneli i diskutimit për sigurinë e infrastrukturës kritike, ku morën pjesë:
- Igli Tafa – Drejtor i Përgjithshëm, AKSIK
- Ermal Beqiri – Themelues, Soft & Solution
- Kozeta Garrett – GM Security Services, Microsoft
- Vassilis Skiadopoulos – Ekspert i Sigurisë Kibernetike, Microsoft
- Enis Ylli – Drejtor i Sigurisë së E-Qeverisjes, AKSHI
Diskutimet theksuan rëndësinë e bashkëpunimit mes institucioneve publike dhe sektorit privat për të ndërtuar një mburojë të fortë ndaj kërcënimeve digjitale që evoluojnë çdo ditë.
Cyber Security Day u shndërrua në një pikë takimi ku u ndanë përvoja, u shkëmbyen njohuri dhe u hodhën bazat për strategjitë e reja në fushën e sigurisë kibernetike. Ky format konfirmoi se sfidat e së ardhmes nuk mund të përballohen të ndarë, por vetëm përmes bashkëpunimit dhe vizionit të përbashkët.
Siç theksoi edhe Ermal Beqiri, themelues i Soft & Solution:
“Siguria kibernetike është themeli i zhvillimit digjital. Pa besim nuk ka inovacion. Ky besim ndërtohet kur institucionet dhe industria ecin së bashku drejt një qëllimi të përbashkët.”
